Om oss

Voss sett frå fjellsida, med vatnet og bygda nedanfor

Hei, og velkomen til Friskus!

Det heile starta på Voss i 2017. Vi hadde eit brennande ønske om å gjere det lettare for barn, unge og vaksne å delta på aktivitetar i nærmiljøet. For kvar finn ein eigentleg fram til alt som skjer?

Vi reiste Noreg rundt i 3 år for å samle kunnskap og lytte til fleire hundre barn, unge og vaksne om korleis ein slik digital plattform burde vere – og resultatet finn du på friskus.com.

Berekraftige lokalsamfunn handlar i botn og grunn om at dei som bur der har kjekke ting å gjere, får ta del i det som skjer, bidreg med det dei kan, har vener og kjenner seg verdifulle. Vi kjempar for at lokalsamfunna våre held fram med å vere berekraftige og tufta på tillit og tryggleik.

Visjonen vår er å samle menneske

Saman med fleire norske kommunar er vi forkjemparar for at alle barn og unge skal kunne delta på ein fritidsaktivitet, mellom anna gjennom Fritidskortet. I Friskus kan du difor digitalisere tilskotsmidlar, og sørgje for at barn og unge digitalt kan betale medlemskontingentane sine utan eit «klistremerke i panna».

Med svært mange lag, organisasjonar og kommunale avdelingar registrerte på friskus.com har vi opparbeidd oss unik erfaring med å leggje til rette for sosiale møteplassar. Resultatet er eit aktivt fellesskap for brukarmedverknad – med uvurderleg verdi for innbyggjarane.

Helsing frå Sigrid

Sigrid Petersson Nedkvitne

Gründer og dagleg leiar

Fritidsaktivitetar er trivsel, venskap og meining, og gir positiv utvikling. Det skal vere superenkelt å finne, melde seg på og delta på alt mogleg kjekt.

Barn og unge er framtida til landet vårt – dei nye innovatørane og dei som skal ta vare på alt vi har. Vi meiner at barn og unge fortener å få sponsa medlemskontingenten sin, slik at ein kan velje medlemskap i akkurat den organisasjonen ein har lyst til. Difor finn du Fritidskortet i Friskus, som gjer det mogleg å tildele midlar direkte til barn og unge.

Sigrid er gründeren av friskus.com. Mellom anna er ho to år på rad kåra til ei av Noregs femti fremste teknologikvinner. I mars 2025 fekk ho eHelseprisen for arbeidet sitt med førebyggjande helse i Friskus. Ho er utdanna barnevernspedagog, og har sett masterutdanninga si i helse- og velferdsleiing på vent for å jobbe som dagleg leiar i Friskus. Sigrid er ein sosial entreprenør med 10 års leiarerfaring frå offentleg sektor, og har starta prosjekt for frivillige/ideelle organisasjonar.

sigrid@friskus.com

Teamet

Vi i Friskus er opptekne av at det skal vere enkelt for alle å delta på meiningsfulle aktivitetar – oppleve glede, tilhøyrsle og engasjement.

Heile Friskus-teamet jobbar målretta og dedikert for å bryte ned barrierar, slik at fleire kan delta i aktivitet og i lokalsamfunnet sitt. Vi har superflinke medarbeidarar både på Voss, i Bergen og i Oslo.

Vi er opptekne av å levere høg kvalitet og yte service utover det vanlege, i ein profesjonell organisasjon ein kan stole på.

Friskus sosialentreprenør er teknologileverandør, men leverer også prosjektstøtte og rådgivingstenester.

Vil du vite meir? Send e-post til post@friskus.com